Sif does New York

2004-06-01T09:36:00.000-04:00

Já það er sko búið að vera nóg að gera undanfarnar vikur. Mamma og pabbi komu í heimsókn eins og ég hef nefnt áður og var alveg svakalega gaman hjá okkur. Við keyrðum til Lancaster héraðs í Pensylvaniu þar sem Amish fólkið býr og heilsuðum aðeins upp á þau og keyrðum svo til Buffalo til að sjá Niagara fossana. Þeir eru svakalega fallegir og tilkomumiklir en við sigldum meirisegja inn í þá. Að lokum keyrðum við svo að Finger Lakes sem er vatnasvæði hér í fylki, mjög fallegt.

Já svo erum við bara búin að vera að pakka, það er nú reyndar ekkert bara því þetta er engin smá vinna. Minnið mig á að flytja aldrei aftur til útlanda. Svo er bara að krossleggja fingur og vona að allt komist heilt til skila.

Sjáumst svo bara á Íslandi í lok vikunnar......

2004-05-18T10:21:00.000-04:00

Sól sól og aftur sól......

Það er sko búið að vera sannkallað sumarveður hér í borg, 25-30 stiga hiti undanfarna daga. Það er sko ekki hægt að kvarta yfir því.

Júróvisíonpartýið hjá Eyjó og Lilju var svaka fínt. Horfðum á herlegheitin á netinu sem var varpað upp á vegg, algjör snilld. Hí hí, Jónsi var alveg ömurlegur. Ég er svo illa innrætt að ég var bara ánægð með það. Svo var þetta ..... bara ánægður með árangurinn. Svo var bara tekið áfram á því fram eftir degi og nóttu, fórum á Don Hills og tjúttuðum. Stjörnurnar flikkjast enn að manni, óhætt að segja það. Kiddi spottaði gítarleikarann í Stellastarr og náttla spjallaði við hann og við tókum í spaðann á honum. Kiddi selebretí spotter......

Svo var strákurinn bara að klára síðasta tímann í gær og þarf að gera ritgerð í dag og á morgun, þá er þetta búið. Hí hí hann mátaði búninginn í gær, sjitt hvað þetta er fyndin múndering.

Mamma og pabbi bara að koma á morgun og þá hefst opinbert frí hjá okkur, ekki leiðinlegt það. Ég leigði kagga í gær fyrir ferðina svo þetta er allt að smella saman.

Verst manni er farið að kvíða fyrir að flytja héðan, á eftir að sakna svo margs hér........ :( En það er svo sem ekki slæmt að búa á klakanum heldur.

2004-05-12T20:30:00.000-04:00

Úff það er bara heitt og rakt hér í borg.

Við erum að tala um 25-30 stiga hita alla vikuna og svo bætist raki ofan á það. Ég ætla svo sem ekki að kvarta yfir þessu, átti svaka notalegan dag í gær í Central Park þar sem ég tók bara handklæði og lestrarefni með mér og flatmagaði í tvo tíma. Setti reyndar ekki á mig vörn þannig að ég er með pínulítinn roða en það er nú eitthvað sem jafnar sig í dag, ef það er ekki þegar búið að gera það.

Fór svo út í Williamsburg og fékk loksins gleraugun, ég þurfti ekki einu sinni að borga á milli þannig að ég er alveg þrælsátt við þetta. Held ég sé bara gella með þessi sko, annars er það nú annarra að dæma síðar....
Eftir þennan leiðangur fór ég aftur á Union Square og kíkti í Barnes & Noble til að velja mér bók. Ohh hvað ég á eftir að sakna þessarar búðar, ásamt svo mörgu hér.

Svo hitti ég Kidda og Einar um kvöldið fyrir framan Bowery Ballroom og við kíktum á tónleikana. Það var svaka gaman og ekki síst fyrir það að sjá Chavez og John Spencer. Hann er nú alltaf sami töffarinn og Chavez voru bara í stuði, reyndar svolítið svekkelsi að þeir tóku ekki lagið (sko hið eina sanna lag) en maður getur nú ekki gert mikið í því. Svo var Cat Power bara alls ekki flott, hún kunni varla á gítarinn hvað þá annað en hefur reyndar svaka flotta rödd. Svo heyrðum við í söngvaranum í Dinosaur JR (man ekki hvað hann heitir)sem var nokkuð fyndið því það var eins og hann hafi verið að stíga út úr trailernum sínum einhversstaðar i suðurríkjunum. Svo er ég að segja það að stjörnurnar bara flikkjast áfram að manni því ég vissi ekki fyrr en gaurinn var farinn að nudda öxlum við mig á tónleikunum seinna um kvöldið. Ég bara varð að sýna honum hringinn og segja honum að drulla sér í burtu, nei nei kannski ekki alveg ;)

Annars voru bara þrumur og eldingar í dag og ótrúlega mikil rigning. Ég var skíthrædd um að það færi að flæða aftur inn hjá okkur en Kiddi var búinn að gera svo vel við stéttina þannig að við sluppum við það. Já hann er fjölhæfur kallinn.........

Þarf annars að fara að drífa mig að sjá Kill Bill 2, ætli það verði ekki verkefni morgundagsins.........

2004-05-10T20:25:00.000-04:00

Jæja þá er önnur vika gengin í garð.

Shins voru alveg með meiriháttar tónleika í gær, þvílíkt hresst og skemmtilegt band. Það var svo mikil gleði í spilamennskunni hjá þeim og þeir greinilega að fíla sig í botn að vera á Bowery Ballroom.
Fyrir tónleikana tilltum við okkur niðri í kjallara og fengum okkur öllara, ekki skemmdi sko fyrir að Moby settist allt í einu við borðið okkar þar sem það voru lausir stólar við það. Algjör töffari með stóru gleraugun sín. Stjörnunar bara hópast að manni því á næsta bás sat trommarinn í Sonic Youth, nokkuð svallt það ;)

Var annars að spóka mig niðri í bæ í dag, alltaf gaman að hanga aðeins á Union Square og skoða mannlífið. Það er einhver gaur búinn að vera þarna í hvert skiptið sem ég kem að mótmæla á fullu ríkisstjórninni og bara þjóðfélaginu í heild sinni. Það er nú bara kúl en ég er alveg undrandi hvernig hann getur staðið þarna dag eftir dag og látið móðann mása svo tímunum skipti.

Svo eru það bara tónleikar aftur á morgun en þetta eru einhverjir styrktartónleikar fyrir krabbameinssjúkann túrmanager (Jackie Farry fuck cancer benefit). Line-up'ið er sko ekki af verra taginu, Chavez og John Spencer Blues Explotion. Ég hlakka ekkert smá til að hitta töffarann aftur, það er varla til svalari maður............ (fyrir utan eiginmanninn sko :O )Svo verður svakalega gaman að sjá Chavez, er spennt að vita hvort þeir taki uppáhalds lagið mitt. Það verða nú reyndar fleiri bönd en ég man ekki alveg hvað þau heita, jú reyndar eitt, Cat Power eða eitthvað álíka.

Svo virðist bara sem þetta séu síðustu tónleikarnir okkar hér í NY, í bili allavega skulum við segja. Það verður fínt að loka hringnum í Bowery Ballroom því okkar fyrstu tónleikar hér voru þar, viðeigandi þar sem maður fer einhvernvegin alltaf í hringi.

Já segjum það í bili

2004-05-08T21:29:00.000-04:00

Ég var að halda upp á það í dag að það er vika síðan við sáum Pixies, með því að blasta þau í mp3 spilaranum hans Kidda. Ohhh ég fékk alveg gæsahúð og næstum tár í augum, váááá ég sá þau - þvílík gleði. Verst manni langar svo aftur...........

Fór annars til Williamsburg, Brooklyn, í dag í gleraugnaleiðangur (aðeins og mörg í). Þetta gekk svona upp og ofan en ég allavega labbaði út úr búðinni sátt, þetta tók þó tímanna tvenna. Hef aldrei lennt í því að þurfa að velja gleraugu eftir því hvort ég blikka í þau eða ekki, þetta hefur alltaf eiginlega verið stillingaratriði. Allavega eftir að hafa þurft að hætta við nokkur flott og áður en ég valdi second best þá kom daman í búðinni með hin einu réttu, rétt áður en ég var búin að velja önnur. Jamm svona er þetta. Ég þakka Dísu og Sibbu enn og aftur fyrir þolinmæðina og hjálpina :)

Annars er alltaf gaman að fara til Williamsburg um helgi, fullt af fólki úti á götu og svona skemmtileg stemming. Það voru einhverjir óþekktir hönnuðir að selja fötin sín úti á götu og gerði ég svaka kaup hjá þeim, tvær flíkur fyrir 10$, eða svona ein og hálf flík ;)

Annars er það bara tjill í kvöld, búin að elda kínverskar handa kallinum og svona enda verð ég að hugsa vel um hann þessa dagana. Ekkert smá mikið að gera hjá honum að skólast, þetta fer nú alveg að verða búið - gott mál það.

Já svo eru það annars bara Shins tónleikar á morgun, ekkert smá gaman. Ég er svaka spennt fyrir þessari hljómst, mæli eindregið með að fólk fjárfesti í þeim.

Yfir og út

2004-05-07T14:04:00.000-04:00

Þá er bara föstudagur runninn upp enn einu sinni og engin stór plön fyrir helgina.

Enda kallinn svo upptekinn við að læra að hann má varla vera að því að líta í áttina til mín.

Þó erum við boðin í screening party í kvöld en það er verið að forsýna heimildarmyndina hennar Önnu Halldórs og kærastans hennar. Hún er sem sagt ferðafélaginn sem ég hafði um daginn þegar ég flaug frá Boston til NY. Þetta ætti að vera mjög gaman og er ég spennt að sjá útkomuna á myndinni, sem er um einhvern arnarveiðiþjóðflokk í Mongolíu.

Á morgun er ég svo búin að plata Dísu og Sibbu með mér í gleraugnaleiðangur en ég er svo ljónheppin að geta ekki notað nýju brillurnar sem ég var að kaupa. Konan í búðinni bauð mér að velja ný svo ég bara verð að gera það, hef aldrei lennt í öðru eins veseni. Hélt bara einhvernvegin að það væri alltaf hægt að stilla gleraugu á mann en nei, ekki í mínu tilviki þar sem ég blikka alltaf augnhárunum í glerin - ýkt pirró. Og þar sem ég eyddi þrem korterum í gær við að láta hana stilla þau fram og til baka án nokkurrar velgengni er ég búin að gefast upp og ætla að fá ný, þó það sé geðveikt svekkjani, Og hana nú.

Veðrið er annars búið að vera rosa gott, sól og 20-25 stiga hiti. Rakinn er reyndar heldur mikill í dag enda held ég að það eigi að koma skúr í kvöld, eða eins og kanninn segir "sturtur".

Jamm og já, hef ekki meira hugmyndaflug í bili - over and out.......

2004-05-03T19:03:00.000-04:00

Þá er ég loksins komin aftur til Stóra eplisins og hvílík hamingja sem það er.

Það reyndar tók á að komast hingað því eftir rúmlega fimm tíma flug til Boston var ég í kapphlaupi við tímann til að ná rútunni til New York frá Chinatown í Boston. Eftir skjóta en hálf stressandi afgreiðslu í útlendingaeftirlitinu þaut ég í leigubíl niður í Chinatown og hékk á horni þar í hálftíma eftir rútunni. Þetta gekk sem betur fer allt upp en ég átti þá aðra fimm tíma fyrir höndum í ferðalag í rútinni + tímann sem það tekur að fara frá Manhattan yfir í Flushing Queens. Ég sem sagt var þreyttur en ánægður ferðalangur að loknu þessu ævintýri.

Svo var það náttúrulega aðal málið á föstudeginum en þá var ferðinni heitið til LA, California. Við fórum snemma um morguninn út á JFK þar sem við hittum Dísu og Einar og áttum þá fimm tíma flug framundan. Ég reyndar verð nú að segja það að ég var nú til í margt annað en fimm tíma flug en hvað gerir maður ekki til að sjá Pixies, ég bara spyr.

Við lentum rétt eftir hádegi á Californískum tíma og hver annar en Bill Murray tók á móti okkur á flugvellinum............ Ekki leiðinlegt það.
Við tókum svo flugvallarrútuna að Hertz bílaleigunni og fengum þennan fína kagga að láni. Einar var undir stýri og Kiddi á kortinu svo þetta gat ekki verið betra.

Eftir að hafa tékkað okkur inn á hótelið lá leiðinn að Santa Monica ströndinni þar sem við skoðuðum okkur um á bryggjunni þar sem tivolí er meðal annars og röltum um á ströndinni. Þar sem þetta var í fyrsta sinn sem ég kom að Kyrrahafinu varð ég auðvitað að dífa fótunum aðeins út í sjóinn en ég lét sjóböð bíða að sinni. Við röltum svo aðeins inn í Santa Monica (sem er bara hverfi í LA) og kíktum á mjög flotta göngugötu og fengum okkur að borða. Eftir alveg fína máltíð rúntuðum við í gegnum Beverly Hills og inn í Hollywood þar sem við röltum aðeins um á Hollywood walk of fame þar sem allar stjörnurnar eru í gangstéttinni og handar og fótarförin eru fyrir utan China theater. Við röltum einnig fyrir utan Kodak theater og var þetta allt saman mjög gaman. Ég hélt samt einvhernvegin að það væri meira gert úr þessum stjörnum en þetta var einhvernvegin bara venjuleg gangstétt í ekkert alltof flottu hverfi fyrir utan náttla þar sem Kodak og China theater er. Ég þoldi svo ekki mikið meira það kvöldið enda þurfti ég að jafna mig á 7 tíma tímamuni og vera til í slaginn daginn eftir.

Við lögðum svo af stað í 30 stiga hita daginn eftir á Coachella hátíðina sem er í Indio en það er cirka 3ja tíma akstur frá LA út í eyðimörkina. Eftir furðu litlar umerðartafir, þó erfitt sé að forðast þær alveg, mættum við á svæðið vel varin með sólarvörn enda veitti ekki af í 40 stiga hita og sól. Svæðið var rosalega flott og stórt náttla enda allt stórt í Ameríku. Við byrjuðum á að sjá vini okkar í Stellastarr í steikjandi hita inni í tjaldi og fórum þar á eftir til að horfa á Beck. Það reyndar gekk ekki alveg upp því það var svo mikið af fólki þar við tjaldið að við komumst ekki að og heyrðum eiginlega ekkert í honum vegna láta úr nærliggjandi tjaldi. Það má eiginlega segja að það sé það eina sem ég get sett út á hátíðina hversu tjöldin voru nálægt hvort öðru því maður gat stundum heyrt lætin frá næstu hljómsveit ef hún var hávær.
Við heyrðum síðan úr fjarlægð nokkur lög frá You will know us by the trail of dead meðal við muldum í okkur pyslu og fórum svo á Death Cab For Cutie. Það voru alveg meiriháttar tónleika og mæli ég hiklaust með að fólk kaupi sér stöff með þeim.

Það þarf svo varla að hafa mörg orð um næstu hljómst sem við sáum en upplifunin var nær yfirþyrmandi. Þvílíkir tónleikar sem þetta voru og svakalega góð keyrsla á þeim. Hver smellurinn á fætur öðrum hljómuðu og já bara meiriháttar, get eiginlega ekki lýst þessu frekar.
Radiohead voru svo á eftir og það var önnur eins upplifun þó öðruvísi enda vorum við búin að sjá þau einu sinni áður. Það var sko ekki að heyra né sjá að Thom hafi verið eitthvað slappur í hálsinum því hann var í þvílíkum gír. Það var mjög skemmtilegt hvað þau tóku í bland nýja og gamla stöffið og hljómaði það nýja mjög skemmtilega. Það spillti náttla ekki fyrir að uppáhalds lagið mitt, Lucky, var númer 3 í röðinni og það er ekki frá því að það hafi örlað á smá kökki í hálsinum. Einnig var skemmtilegt að heyra Creep sem loka lagið en Thom var bara í djókinu þegar hann söng það, skemmti sér greinilega mjög vel.

Einar og Dísa þutu eftir þetta til að sjá Kraftwerk en við einhvernvegin vorum ekki að meika það enda var maður alveg orðinn mettaður af tónlist og líkamsþreyta farin að segja til sín.

Við reyndar skemmtum okkur ekki alveg eins vel yfir að koma okkur af svæðinu en það getur valdið nokkrum erfiðleikum þegar tæplega 50.000 manns eru að reyna að komast heim til sín á sama tíma. Þetta tók þó ekki meira en einn og hálfan tíma en þá áttum við eftir að keyra í annan eins tíma að mótelinu. Þetta hafðist allt að lokum og voru það þreyttir en ánægðir ferðalangar sem lögðust til hvílu það kvöldið.

Gærdeginum vörðum við svo í LA á Venice Beach. Það var rosalega gaman að koma þangað enda fræg strönd fyrir fjölbreytt mannlíf. Veðrið spillti heldur ekki fyrir þar sem það var rúmlega 30 stiga hiti og sól en hafgolan gerði þetta allt bærilegra. Við röltum um strandlengjuna og skoðuðum sölubása, fólk dansandi á hjólaskautum og vaxtaræktartröll pumpa á Muscle Beach, en þeir hafa þarna afdrep þar sem þeir geta hnikklað vöðvana.

Allt gott þarf einhverntíman að enda og flugum við heim í nótt og komum klukkan 7 í morgun til NY. Ég mæli hiklaust með California og er það pottþétt að ég á eftir að koma þarna aftur í einhvern tíma og keyra um fylkið. Sól, strendur, pálmatré og rokk og ról - er hægt að biðja um eitthvað meira........................

2004-04-27T18:34:00.000-04:00

Það bara gerist svo lítið hér á landi eða það mætti halda það, ég bara ræð ekki við mig af bloggæði þessa dagana........

Er annars að hverfa af landi brott á morgun og vægt til orða tekið hlakka ég til að fara aftur út til míns. Enda mikið að gerast næstu daga, LA á föstudag þar sem við förum á hina margumræddu Coachella hátíð og berjum augum ekki ómerkari menn en gaurana í Pixies og Radiohead bara svona svo dæmi sé tekið.

Hef annars varið mestu af tíma mínum hér í vinnu og á Selfossi, vinna-Selfoss, vinna-Selfoss. Hljómar þetta ekki vel??

Hafið það bara gott þangað til næst.......

2004-04-09T06:23:00.000-04:00

Jamm og já er mætt á klakann og byrjuð að vinna. Segið svo að lífið gangi ekki sinn vanagang.

Lifði flugið af og alla þessa bið, skrítið en það er eins og maður falli í einhvern trans þegar maður þarf að hanga svona í langann tíma. Ótrúlegt hvað þetta leið og flugferðin heim tók bara fljótt af. Var svo heppin að fá 3 sæti fyrir mig þannig að ég gat dreift úr mér.

Það var náttla ótrúlega gaman að hitta Árna Gunnar sætasta frænda í heimi, hann var svo glaður að sjá mig og brosti breitt með sínar 2 nýju framtennur - ekkert smá sætt.

Svo er það bara vinna um helgina og brúðkaup hjá Gunni og Gumma á morgun, gaman gaman. Er annars voða lóner því Hildur og Mummi eru uppi í bústað um helgina svo þeir sem hafa tíma fyrir mig gefi sig fram.

Þangað til næst....................

2004-04-06T20:06:00.000-04:00

Eg verd nu ad segja ad madur tarf ad gera meira af tvi ad hanga a flugvollum.
Otrulegt hvad tetta veitir manni mikla gledi.

Er sem sagt a Boston International Airport i puplic internet sambandi (skyrir enga islenska stafi) og er sem sagt buin ad hanga her sidan klukkan 1 i dag og nuna er klukkan 8 um kvold. Lagdi sem sagt af stad kl. 11 i morgun fra Kidda minum (sniff sniff) til Boston og er nuna ad bida eftir ad komast um bord i Flugleidavel e. ca klukkutima. Ja tetta er sko gaman.

Svo er tetta svakalegur dill sem eg er a, minutan a 25 cent tannig ad madur er fljotur ad spaina dollarana inn. Kannski bara ad eg fari ad haitta tessu bulli.

Heyrumst naist a Islandi...........

2004-04-05T22:25:00.000-04:00

Jæja þá eru gestirnir farnir heim og við að skríða aftur saman. Það var ekkert smá gaman að hafa þau og þökkum við þeim enn og aftur kærlega fyrir komuna.

Sem afleiðing af þessari heimsókn hef ég tékkað mig inn á Vog og verð þar fyrstu vikuna eftir að ég kem heim.............. nei nei smá djók í boðinu.

Helgin var annars rosalega fín, við borðuðum sushi á Go, sem er alltaf jafn gott og kíktum smá á púb midt stttráka.
Svo vorum við svo eldhress að bjóða Einari og Dísu í indverskan á laugardaginn en það varð náttla að halda planfund fyrir túrinn mikla til LA. Við erum komin með flugmiða og allt (sem er bílaleigubíll) en svo á bara eftir að finna út með gistingu. Ætli við gistum ekki allavega 1 nótt í LA og skoðum pleisið aðeins, ætti að vera skemmtilegt.

Svo er ég bara að fara heim á morgun, snuff snuff. Það er ekkert smá asnalegt því ég væri einhvernvegin bara til í að vera hér áfram. En sældarlífið getur víst ekki varið að eilífu og maður þarf víst að vinna eitthvað líka. Svo hef ég náttúrulega skildum að gegna sem aðal styrktaraðili Flugleiða, ekki má gleyma því - nei nei.

Já ég segi bara sjáumst á miðvikudaginn og óska mér góðrar ferðar.

2004-03-30T00:38:00.000-05:00

Jibbí jibbí jibbidí dú

Við erum að fara til LA á Coachella tónlistarhátíðina í byrjun maí til að sjá Pixies og Radiohead + fullt af fleiri skemmtilegum númerum. Já lífið er ljúft..................

Á nebblega svo frábæra vinnuveitendur sem gáfu mér 2 vikur aukalega til að koma fyrr út til að njóta herlegheitanna.

Höfum það annars rosalega ljúft með Frikka og Möggu - skoðum, drekkum, skoðum, drekkum, drekkum og skoðum kannski smá meira (eða drekkum). Fórum áðan á Jackson Diner í indverska hverfinu og borðuðum frábæran mat, eins og alltaf þegar maður fer þangað - slef slef.

Já annars eru svo tveir tónleikar framundan í vikunni, Stellastarr á miðvikudaginn og Walkmen á fimmtudaginn. Það verður gaman að endurnýja kynnin við Stellastarr því ég sá þau fyrst þegar þau voru frekar ófræg að spila á litlum stað, en núna eru þau orðin aðeins stærri og þekktari (eru meðal annars í LA).

Þangað til næst.......

2004-03-29T00:49:00.000-05:00

Ohhh erum búin að hafa það frábært yfir helgina.

Um 20 stiga hiti í gær og 15 í dag, hvað er hægt að biðja um meira.
Höfum verið dugleg að rölta með gestina um, svo mikið að ég er hrædd um að við höfum gengið frá þeim á fyrsta degi - úps. Maður er kannski ekki í mikilli æfingu komandi frá Reykjavík (og hvað þá Grafarvoginum!! sorry ekki illa meint), annað en þessir New Yorkerar sem við erum......... ;)

Já og það eru nokkrir bjórar sem hafa runnið niður á hinum ýmsustu púb-um, gæti ekki verið betra.

Ég segi bara skál mamma, skál pabbi...............................tengdapabbi - ég segi bara skál öll sömul.

2004-03-26T11:25:00.000-05:00

Aftur nokkrar mínútur í tölvunni :)

Er ákkúrat núna að hlusta á nýja Blonde Redhead diskinn, Misery is a Butterfly. Við erum að tala um hreina snilld, þessi hljómsveit er svo góð að það hálfa væri nóg. Ég hef verið svo heppin að sjá þá einu sinni hér í NY sem upphitunarband og verð því miður að láta það duga því ég verð í staðin í brúðkaupi hjá Gunni þegar næstu tónleikar eru hér í borg. Það er svo sem ekkert miður að fara í brúðkaup og hvað þá hjá Gunni, frábært bara.

Og til þeirra sem stela tónlist af netinu, fá diska lánaða og rippa þá og hvað það er sem fólk gerir til að fá tónlistina fría þá er það ekkert miðað við að kaupa diskinn og hafa hann í höndunum. Maður er annars að missa oft á tíðum af alveg frábærri hönnun á umslögum sem bæta eitthvað svo mikið við eignina af tónlistinni. Til dæmis umslagið að Blonde Redhead disknum er með því flottara sem ég hef séð og hana nú...........

Er loksins búin að finna mér gallabuxur, ótrúlegt hvað það er erfitt að finna þær réttu. Það er nú ekki eins og það sé nægilegt úrval hér, kannski er ég bara sérvitur??

Er annars bara búin að vera niðri í bæ á röltinu í vikunni og fara á kaffihús og svona. Hittum Dísu á miðvikudaginn á kaffihúsi og áttum við góða stund þar yfir Café au Lait og amerískri ostaköku, ummm þær eru svo góðar (Gunnur þú veist hvað ég er að tala um... :)

Svo erum við að fá góða gesti í kvöld, Frikki frændi hans Kidda og Magga konan hans eru að koma frá Íslandi og verða hjá okkur í viku. Annars er Frikki alltaf Frikki frænka í mínum huga. Þetta er nokkuð fyndin saga að segja frá en við Gugga höfum deilt henni á fjórða ár held ég (úff er svona langt síðan).
Það var þannig að þegar Gugga bjó í Danmerku ásamt Frikka og Möggu sagði hún mér í einu e-meilinu að hún hafi hitt Frikka frænku hans Kidda sem var einu sinni frændi hans. Mér fannst þetta nú hljóma eitthvað undarlega en lét ímyndunaraflið gjörsamlega hleypa með mig í gönur og sem sagt fann það út víst hann er í Danmerku þá hlyti hann að hafa farið í kynskiptiaðgerð þar (þetta var áður en ég vissi að hann ætti kærustu). Við Kiddi vorum ný byrjuð saman og nefndi ég þetta eitthvað við hann en hann varð eitthvað undarlegur og svaraði mér varla. Ég hélt því að þetta væri eitthvað viðkvæmt mál í fjölskyldunni og nefndi þetta ekki meira. Það var svo ekki fyrr en nokkrum mánuðum síðar að ég heimsótti Guggu og hitti Frikka í Jónshúsi að ég komst að því að hann gæti nú varla verið karlmannlegri og alls ekki kona........
Já svona er þetta :)

Verð annars að hleypa Kidda að í tölvunni aftur og fara með þvottin út í þvottahús svo ég hafi smá tíma til að sauma í dag áður en þau koma.

Góða helgi gott fólk

2004-03-23T11:39:00.000-05:00

Jæja núna fæ ég nokkrar mínútur í tölvunni svo það er eins gott að koma ferðasögunni frá sér eins fljótt og hægt er :) Nei nei annars þá er svo mikið að gera hjá eiginmanninum í lærdómnum þannig að minn tími við tölvuhangs er takmarkaður.

Eins og áður hefur komið fram þá fórum við með kínarútunni til DC á föstudaginn, þrátt fyrir veðurviðvaranir. Það var náttúrulega orðum aukið svo þetta var ok. Ferðin var bara fín en tók aðeins lengri tíma en við bjuggumst við því það voru 2 slys á New Jersey Turnpike sem töfðu okkur aðeins. Eftir 5 tíma vorum við komin til DC og þá var ferðinni heitið á The Mall, stórt stórt svæði með öllum Nationl söfnunum (Smithsonian Institution) sem liggur frá þinghúsinu að George Washington Monument. Við sem sagt löbbuðum að því en komumst því miður ekki að vegna framkvæmda þar við en löbbuðum fram hjá því að Lincon Memorial. Kallinn sat sem fyrr og tjillaði en eftir að hafa heimsótt hann skoðuðum við Vietnam Memorial.

Eftir allt þetta labb var kominn tími til að hitta Jóa og Veigu, sem við og gerðum og buðu þau okkur út að borða á voða fínum armískum veitingastað. Eftir það var haldið heim og slakað á yfir rauðvíni..............

Laugardagurinn var tekinn nokkuð snemma og fórum við í góðan göngutúr um landssvæðið sem þau deila með öðrum íbúum hverfisins. Svakalega fallegt og gaman að rölta um skóginn og að Potomac ánni, eða sjá hana af hæðinni.
Eftir það keyrði Veiga okkur niður í Georgetown og skildi okkur þar eftir. Það var náttúrulega geðveikt að koma þangað aftur þar sem þetta var uppáhalds hverfið mitt áður fyrr og staðurinn þar sem allt gerðist á. Það hafa reyndar orðið smá breytingar þarna þar sem þetta er orðið meira upscale hverfi og búðirnar og annað orðnar miklu flottari og dýrari. Því miður er því búið að loka öllum pöbbunum sem við vorum á og þar af leiðandi ekki hægt að fara aftur á The Crasy Horse :( Þó var Fifth Column enn þarna en ég nennti nú ekkert að vera að fara þangað inn enda vantaði mig ekkert smá Gunni. Kiddi varð bara að vera staðgengill fyrir hana og láta sig hafa allt röflið í mér um forna tíma :)

Kvöldið var tekið rólega eins og áður yfir nokkrum rauðvínsglösum og dýrindis indverskum mat..........

Áður en við fórum heim á sunnudaginn fórum við aftur á The Mall og fórum í listasafnið og flug og geimsafnið. Eins og ég vissi þá sló það alveg í gegn hjá eiginmanninum enda gaman að sjá allt þetta geimdót og komast inn í alvöru geimflaug. Já svo beið okkur bara rútan en heimferðin tók aðeins styttir tíma, sem betur fer. Sem sagt alveg frábær helgi.

Það er enn nokkuð kallt hér í NY en það á sem betur fer að fara að hlýna á morgun enda fyrsti vordagurinn genginn í garð. Magga og Frikki fá því gott veður í heimsókninni, sem minnir mig á það að ég þarf að fara að ganga frá planinu. Míns er svo skipulögð að það hálfa væri nóg en það þýðir ekkert annað en að taka þetta skipulega þegar maður er að heimsækja svona stóra borg í skamman tíma.

Annars ætla ég með Kidda niður í bæ á eftir til að eyða smá tíma í Barnes og Noble og reyna að finna einhverja sniðuga bók um New York fylki svo ég geti farið að skipuleggja fríið með mömmu og pabba í lok maí. Úff ég veit ekki hvað ég á að gera þegar ég flyt heim og hef enga Barnes og Noble, íslenskar bókabúðir komast ekki með tærnar þar sem Barnes og Noble eru með hælana,kannski ósanngjarn samanburður - ég veit það ekki.

Jamm og já, þangað til næst adíós

2004-03-18T23:01:00.000-05:00

Ætlum að vera svo köld að leggja í hann til Washington með Dragon Coach buses þrátt fyrir winter weather advisory. Það er nebblega snjóstormur í nálægðinni, hmm þá erum við að tala um nokkur snjókorn......... Allavega gott að flýja þetta veður um helgina og komast í aðeins hlýrra lofstreymi.

Franz Ferdinard var loksins gefinn út í USA og mæli ég eindregið með þeim piltum, hreint frábærlega skemmtilegt.

Meira síðar

2004-03-16T19:00:00.000-05:00

Úff þvílíkt leiðindaveður sem búið er að vera í dag, snjókoma.......

Ég bið nú ekki um meira en að veðrið sé eins og þegar ég kom, um 10 stiga hiti, ekki snjókoma for crying out loud. Ætti kannski ekki að vera að kvarta miðað við lýsingar á leiðindaveðri heima.

Nóg um veðrið, eða kannski ekki, nennti allavega ekki að fara neitt út í dag þannig að ég hékk inni og kláraði New York Times frá því um helgina og las mér til fróðleiks varðandi vinnumál. Já svo getur maður alltaf gleymt sér yfir palminum, algjör snilld sem þetta er. Er búin að downloda nokkrum forritum sem ég er að fikta í, enda verður maður að vita um hvað málið sníst til að þetta komi að notum - ekki satt?

Slúðurþættirnir eru að fara að byrja svo ég þarf að planta mér upp sófa, later gador

2004-03-15T16:23:00.000-05:00

Mission accomplished

Takmark helgarinnar var sem sagt að sjá Carlos, bassaleikarann í Interpol (nema hvað!!).
Þetta er einfaldlega töffari aldarinnar og þar sem eiginmaðurinn á mynd af sér með honum varð ég einfaldlega að sjá hann líka.

Ferðin byrjaði á föstudaginn þar sem við fórum á barkvöld (sjá myndir á www.grasrot.com), nokkuð vel heppnað bara. Hitti ferðafélagann Önnu og Joseph kærastann hennar og Dísu náttla ásamt fullt af fleira fólki. Eftir nokkra á Telephone Bar and Grill ákáðum við nokkur að fara á Lit til að reyna að athuga hvort við rækjumst ekki á Carlos. Á pakkaðri stað hef ég ekki komið áður, úff. Ég hef reyndar einu sinni komið þarna áður og fékk þvílíka innilokunarkennd niðri í kjallara enda ákvað ég að fara ekki þangað aftur, kjallarann sko, en efri hæðin var aðeins skárri. Við stoppuðum nú ekki lengi þarna enda vorum við að reyna að spara okkur fyrir laugardagskvöldið. Við reyndar fórum ekki af stað fyrr en Kiddi var búinn að gera bestu kaup lífs okkar.

Svo er mál með vexti að ég er að safna flottum áldósum og náðu tvær áldósir á barborðinu að fanga athygli mína. Kiddi spurði barþjóninn hvort við mættum fá þær en hann neitaði því alfarið. Ég var hálf svekkt yfir þessu þannig að Kiddi bauðst þá til að stela þeim fyrir mig, sagði að það væri ekkert mál!!! Ég var nú ekki að alveg að til í að hann stæli fyrir mig svo hann gerði barþjóninum tilboð sem hann gat ekki neitað, 10$ fyrir tvær litlar dósir (reyndar með safanum í). Þetta er algjörlega bráðfyndið en ég passa mig að hlæja ekki of mikið af þessu þar sem hann gerði þetta af einskærri góðmennsku í minn garð.
Hversu góðan eiginmann er hægt að hafa, ég bara spyr ;)

Á laugardeginum var ferðinni svo heitið á tónleika með British Sea Power í Bowery Ballroom. Við fórum aðeins fyrr af stað um daginn og rölltum um Soho, byrjuðum reyndar í Noho. Ég er loksins búin að fá skýringuna á þessum hverfisnöfnum, fattaði eiginlega alrei hvað Noho átti að vera eða þýða. Það þýðir sem sagt north of Houston (borið fram Háston á New York-ísku) og Soho er sem sagt south of Houston (gata sem skilur Greenwich Village og Soho, Little Italy og Lower East side að). Mjög gaman að röllta þarna um, fullt af púb-um og hönnunarbúðum sem gaman er að kíkja í. Fundum meirisegja Ástralskan púb sem bíður upp á hreindýrasnarl með bjórnum. Soldið fúllt að hafa ekki vitað af honum þegar ástralarnir, Stefanía og Eggert, voru hjá okkur.

Jamm hittum svo tónleikafélagana og borðuðum á Mexikóskum veitingastað fyrir shóvið. Úff ég veit ekki hvort ég leggi í að fara aftur á Mexikanskan stað, skammtarnir eru svo ofur stórir að maður er gjörsamlega að springa eftir þetta át og þá er ég að tala um að helmingurinn er samt eftir. Ég er náttúrulega vel upp alin þannig að ég veit að maður á alltaf að klára matinn, hvað með öllu svöngu börnin í Afríku??? þannig að þetta er svona, maður reynir að gera sitt besta og þá verður útkoman svona.

Tónleikarnir voru alveg meiriháttar, hápunkur kvöldsins var samt að Carlos stóð allt í einu fyrir framan okkur. OHhhhhhhhhhh það var geðveikt að berja hann augum alla tónleikana............
Við vorum búin að diskútera hvort við ættum að opna sambandið þegar ég loksins sæji hann en svo rann ég á rassgatið með þetta. Þorði ekki að labba upp að honum og hrista spaðann, fannst það ekki alveg nógu kúl enda var maðurinn þarna til að skemmta sér. Kiddi og þau voru ekki alveg sammála mér, fannst ég ætti að fara og tala við hann en mér nægir að hafa tvisvar náð augnsambandi við hann(hí hí).

Já svona fór það. Þetta er annars rosalega svöl hljómst, þeir voru með þvílíkt propp á sviðinu. Fylltu það af greinum og voru með uppstoppaða uglu á einum magnaranum og gervifugl hangandi í loftinu. Þetta endaði í þvílíku rokki og róli, greinarnar dúndruðust út í sal og fuglinn var drepinn :)

Enduðum svo kvöldið á að fara á Don Hills og tjúttuðum þar eitthvað frameftir, Carlos kom því miður ekki þangað í þetta skiptið en maður heldur alltaf í vonina.....

2004-03-11T17:06:00.000-05:00

Ohhhhh my god

Það var verið að auglýsa í gær nýjan raunveruleikaþátt á Fox og ég held það gerist ekki verra. Það á að safna saman slatta mikið af ljótum konum, senda þær í lýtaaðgerðir, gera þær fallegar og senda þær svo í fegurðarsamkeppni. Þátturinn heitir by the way The Swan. Það er alveg ljóst að Ruth Reginalds fæddist sko alveg í vitlausu landi.

Það gengur bara vel að hlusta á British Sea Power, þeir eru alveg slatti góðir. Mæli svo eindregið með The Shins, geðveik hljómst.....

Annars er bara íslenskt sumarveður, sól og hlýja. Fór í langan göngutúr áðan og kíkti náttla í leiðinni í tvær búðir. Svona super stórar búðir eins og Target og Babies R Us - það var sko fyrir Hildi systir :) Fékk mér svo Vanilla Latte á Starbucks, klikkkar ekki.

Svo er bara stórt sjónvarpsgláp í kvöld, Survivor og The Apprentice sem er raunveruleikaþáttur (nema hvað) með Donald Trump. Hann er að reyna að ráða einhvern sem kemur til með að stjórna einhverju af fyrirtækjunum hans og er þetta sem sagt samkeppni milli margra aðila þar sem einn er alltaf rekinn úr hverjum þætti. Þetta er alveg að rokka og fólk er alveg fast yfir þessu. Ætli maður panti ekki bara kínverskan, Chicken Lo Mein. Fáránlegt en það er ódýrara að kaupa þetta tilbúið en fara út í búð og versla í matinn - svona er þetta sniðugt í USA.

Sem sagt bara góður dagur.......

2004-03-10T13:20:00.000-05:00

Úff er með vöðvabólguverki í öxlunum eftir gærdaginn................

Og hvað var ég að gera, jú var á tónleikum. Þið spyrjið ykkur nú kannski sjálf afhverju ég sé með verki í öxlum eftir tónleika, en það skýrist.

Fyrirhugað var sem sagt að sjá TV on The Radio úti í Brooklyn, nánar til tekið á 5th avenue. Við vorum búin að sjá grein í New York Times Magazine að þetta væri eitthvað kúl hverfi, Park Slope, þannig að við ákváðum að fara aðeins fyrr og tékka á því. Jú jú við sáum nokkrar kúl búðir, antik - skran og second hand föt - en meirihlutinn af búðunum þarna voru lokaðar þannig að við náðum ekki alveg að sjá hvað hverfið hefur upp á að bjóða í heild sinni, þó það sem við höfum séð væri fínt. Eftir smá rölt fengum við okkur að snæða á Mexikönskum samlokustað, sem var bara fínt og fórum svo að hitta Einar, Sigga og Eyjó á bar skammt frá.

Eftir einn þar fórum við á tónleikastaðinn þar sem beið okkar stærðarinnar röð, sem hreyfðist ekki hratt. Það má eiginlega segja að þarna hafi tónninn verið settur fyrir kvöldið..... Við vorum svo óheppin að eitt upphitunarbandið var að byrja þegar við komum inn, en við vorum búin að binda vonir okkar við að hljómsveitin sjálf færi að byrja enda klukkan orðin hátt í 10. Nei þetta var í staðin leiðinlegasta hljómsveit sem ég hef á ævinni heyrt, þetta var svo slæmt að hljóðhimnurnar á mér bera varanlegan skaða af. Þetta voru þrjár stelpur sem voru með einhverja hljóðeffekta og gauluðu ofan í þá, áááááá hvað þetta var svo slæmt. Þær voru svo úr takt við stemminguna á staðnum að það hálfa væri nóg, eftir þó nokkur mörg lög ( of mörg) spurðu þær áhorfendurna hvort þeir hefðu tíma fyrir eitt lag í viðbót - ÞVÍLÍK SPURNING. Salurinn argaði neiiiiiii þannig að þær fóru með skottið á milli lappanna af sviðinu. Við erum svo að tala um það að sjálft bandið byrjaði svo að spila upp úr 11:30 sem er óþolandi seint svona í miðri viku og maður var orðinn svo þreyttur og pirraður að maður nennti varla að hlusta á þá. Þetta reyndist svo vera ekkert sérstök hljómsveit, allt of mikið af falsettu gauli, en þetta var reyndar áhugavert band að vissu leyti því meirihlutinn af þeim voru litaðir. Nú spyrjið þið aftur hvað er svona merkilegt við það en maður hefur bara gert þá uppgötvun hér í borg að maður hlustar á hvítra manna tónlist, þ.e. nýbylgjurokk. Nú er ég alls ekki og ég endurtek alls ekki bundin fordómum en þetta er bara svona, ákveðinn hópur fólks hlustar á hipp hopp og ákveðinn rokk og svo gerist það skemmtilega að þetta er ekki algilt eins og sást á þessum tónleikum (jákvætt sko).

Já svona fór um sjóferð þá, ég allavega hugsa mig betur um áður en ég fer á tónleika í Brooklyn því við vorum ekki komin heim fyrr en kl. 3 í nótt og maður er eitthvað hálf latur og dommaralegur þrátt fyrir að hafa bara drukkið tvo bjóra. Já og vöðvabólguverkirnir skýrast sennilega út af því að ég stífnaði eitthvað svo öll upp við þessa leiðinlegu tónlist.

Yepps annars ekkert að frétta, þarf bara að fara að hlusta meira á British Sea Power en við förum á tónleika með þeim á laugardaginn. Annars er ég í hálf erfiðri stöðu því það biðu mín 10 nýir diskar þegar ég kom heim, soldið stór biti að kyngja í einu en það hefst......

2004-03-08T14:17:00.000-05:00

Bara svo þið vitið það, þá vil ég ekki tala um 26. maí. Þvílík endemis óheppni að það er bara ekki hægt að lýsa því og hana nú.

Williamsburg var bara fín á föstudaginn en það er kannski aðeins skemttilegra að fara þangað um sumarhelgi, aðeins svona meiri stemming. Fórum svo um kvöldið á Digital Design sýningu í skólanum hans Kidda, voða fínt - vín og samlokur og svona fyrir sýninguna sem var bara nokkuð skemmtileg. Vorum svo bara róleg, vorum komin heim um 10 og ákváðum að horfa á hvorki meira né minna en Pulp Fiction sem er nýji DVD diskurinn á heimilinu og meira að segja collectors edition (hí hí ekkert smá flott). Hlakka ekkert smá til að sýna hinum meðlimnum í aðdáendaklúbbbnum diskinn og monta mig aðeins :)

Á laugardag var ferðinni heitið á antikmarkaðinn á 6. avenue og 23. stræti, hittum Dísu á Starbucks áður og fór hún svo með okkur. Við erum orðnir fastagestir þarna enda alltaf jafn gaman að koma þangað. Rigningin skemmdi reyndar aðeins fyrir því það var ekkert um að vera á útisvæðinu en aftur á móti var innisvæðið í fulle sving. Við keyptum ógó flottan lyfjaskáp, svona til að hengja upp á vegg, á aðeins 20$ (ca 1400 kr) - gjafaverð. Við drusluðum svo skápnum með okkur á púb áður en við fórum til Einars. Hann var svo góður að leyfa okkur að geyma hann hjá sér því ekki var hægt að taka hann með út á rallið, þó það hefði kannski verið kúl...

Kiddi var búinn að finna japanskan veitingastað þar sem fæst sushi en svo var nú ekki. Þetta er örugglega skrítnasti veitingastaðurinn sem ég hef farið á. Þetta var pínulítill staður ofan í kjallara þar sem maður þurfti að beygja sig undir reipi til að komast inn og lofa að eyða meiri en 8$ á mann. Við vorum svo sem ekki í vandræðum með það, pöntuðum tvo rétti á mann sem reyndist svo vera algjör sýnishornamatur. Maður drakk þá bara í staðin því meira af Sake og fyllti magann af bjór :) Kiddi pantaði skrítnasta matinn líka, japanska pönnuköku sem reyndist vera einhversskonar fiskiommeletta sem hreyfðist. Ég veit þetta hljómar ekki vel en ég er viss um að hún var ekki lifandi. Eitthvað hafa vinsældir staðarins borist út því það var þvílík biðröð eftir að komast þangað inn eftir að við komum, sem ég skil varla en kannski var þetta bara út af okkur.
Ferðinni var svo heitið á áframhaldandi púbarölt, reyndar með viðkomu í second hand búð sem varð á vegi okkar. Við Einar versluðum okkur boli og hef ég varla gert betri kaup fyrr né síðar. Þetta segir manni kannski að það borgar sig að vera búinn að svolgra í sig nokkrum gráum áður en maður fer af stað í shopping.
Já svo var svissað yfir í G&T (gin og tonik) og þarf varla að spyrja að leikslokum.........................

Það mætti segja að það væri smá mánudagur í manni, grátt veður úti og slidda.

Já hmmm

2004-03-05T10:47:00.000-05:00

Ég er html gella, allavega segir eiginmaðurinn það ;)

Setti link inn á Elfu, systir Guggu og þá systir Kidda, enda löngu kominn tími til.

Fyrirhuguð er ferð út í Williamsburg (Brooklyn) enda vart kúlaðra hverfi hægt að heimsækja. Í kvöld förum við svo á Digital Design sýningu í skólanum hjá Kidda. Förum eiginlega bara af því að það er frítt vín............. nei nei

2004-03-04T17:58:00.000-05:00

Jæja þá er maður að skríða saman eftir þotuþreytuna, ótrúlegt samt hvað ég get alltaf sofið mikið. Ég hef einnig komist að því (vissi það kannski fyrir) að ég og eiginmaðurinn höfum ekki góð áhrif hvort á annað hvað svefn varðar. Við erum alveg jafn ónýt við að vakna og saman erum við, ja svefnpurkur aldarinnar.

Ég ferðaðist aldeilis milli hverfa í gær. Takmarkið var að eyða smá af afmælispeningunum, kaupa skó og jafnvel gallabuxur. Ég byrjaði á að fara á 34. stræti og kíkti í skóbúð þar. Ég sá reyndar eina þar en nennti ekki að bíða eftir afgreiðslu þannig að ég rölti eitthvað áfram. Fór síðan á 59. stræti og kíktí í Levis og Diesel búðirnar og sannaði það eins og oft áður að ég hef dýran smekk. Auðvitað eru einu flottu buxurnar á 130$ eða um 10.000kr., aðeins of mikið en ég sé til aðeins lengur. Þegar ég var búin að vafra þarna um fór ég á 86. stræti og kíkti í aðra skóbúð auk þess að fá mér kaffi í Barnes og Noble og fletti nokkrum blöðum. Að ígrunduðu máli ákvað ég að máta aðrar Levis buxur svo ég fór aftur á 59. stræti, mér líkaði þær ekki eftir allt saman og hvað þá, jú ég fór aftur á 34. stræti og var á byrjunarreit. Eftir að hafa mátað skóna í fyrstu skóbúðinni sem ég fór í, í tveimur númerum, var númerið mitt auðvitað ekki til. Ég gafst þó ekki upp og bað afgreiðslufólkið að athuga hvort þeir væru til annarsstaðar. Jú jú það var til eitt par í New York sem verður sent heim til mín eftir 5-7 daga. Það má segja það að þetta hafa verið áhugaverðustu skókaupin sem ég hef gert. Ég var líka mjög fegin að hafa verið ein því það hefðu nú ekki margir nennt að standa í þessu veseni öllu.

Dagurinn í dag hefur verið tíðindalítill, ég fór í þvottahúsið og þvoði eins og eina vél og skrapp svo til Indlands. Ákvað nefnilega að hafa indverskan grænmetisrétt í kvöld og vantaði nokkrar vörur í hann. Það er alveg merkilegt hvað það er ódýrt að versla þarna, ég keypti fleiri fleiri poka af kryddum og grænmeti og lagði einungis út fyrir þessu ca. 1500 kr.

Það má eiginlega segja að afrek dagsins hafi samt verið að tala við lögfræðinginn. Ég var aðeins búin að kvíða því en ákvað að ljúka því af og sé ekki eftir því núna. Hann hafði náttúrulega bara sömu svörin og alltaf, að hann vissi ekki neitt. Hann var samt að pæla í að senda aðra umsókn inn (á eigin kostnað) vegna þess að hann hélt að mín hafi dottið einhversstaðar inn á milli og væri hreinlega týnd. Pæliði í óheppni, það er örugglega ekki til óheppnari manneskja en ég, búin að hafa fyrir þessu öllu og umsóknin týnist. Aðrar umsóknir sem voru sendar inn á sama tíma og mín hafa verið afgreiddar þannig að það þarf ekkert að pæla í því meira - HÚN TÝNDIST........... Arrgggggggg

Já það þýðir víst lítið að pæla í þessu meir, maður getur víst litlu breytt úr þessu (er að reyna að vera smá Pollíanna)

Hætti þessum pirring í bili........

2004-03-02T13:06:00.000-05:00

Jamm ég er á lífi.....

Lifnaði loksins við þegar ég komst aftur til NY, þvílíkur unaður sem það er. Ferðalagið gekk sem sagt vel, fyrir utan nær yfirlið í Flugleiðavél. Var kannski pínu stressuð yfir að vera að fara að hitta útlendingaeftirlitið eða hlakkaði svona ógurlega til að hitta eiginmanninn, hver veit??? Sem sagt komst heil á undan áætlun til La Guardia með ferðafélganum sem ég kynntist í Boston, enda gott að geta spjallað við einhvern í tveggja og hálfs tíma bið. Eiginmaðurinn var ekki spenntari en svo að hitta mig að hann kom 20 mín of seint. Ég sem var búin að monta mig af stundvísi hans og sagði ferðafélaganum að hann yrði pottþétt kominn en svo var nú ekki. Honum til afsökunar lenntum við eins og ég sagði áðan á undan áætlun svo ég ætti ekki að kvarta.

Já það er alltaf gott að vera komin heim, mín beið kampavísflaska og spínatdýfa sem minn ástkæri var búinn að útbúa. Það fást nú alveg 10 stig fyrir það. Svo fékk ég alveg dásamlega afmælisgjöf, Tungsten lófatölvu sem ég var búin að dreyma um að eignast. Ég held við séum opinberlega orðin græjufólk :) Sumir velta því nú örugglega fyrir sér afhverju ég var búin að dreyma um að eignast lófatölvu, græjumanneskjan sem ég er, en ástæðan er sú að ég ætla að notfæra mér þetta í starfi. Setja inn svona allskonar forrit mér til fróðleiks og hagræðingar.

Við fórum svo inn á Manhattan í gær, ohhh það var svo gaman að koma þangað aftur. Við röltum um East Village og kíktum í búðir en ég ætlaði mér að eyða afmælispeningunum. Það gekk ekki alveg í fyrstu ferð en ég held ég þurfi ekkert að örvænta. Ég hitti svo Dísu í Barnes and Noble eftir að Kiddi fór í skólann og tjilluðum við þangað til hann var búinn. Það var ekkert smá gaman að hitta Dísu aftur.....

Í dag er ég svo að kynnast lófatölvunni minni eða palm-inum. Þetta er svaka vinna, stór manual og allt. Ég sé til hvað þolinmæðin endist mér, ætli það lendi svo ekki á Kidda að útskýra þetta svo fyrir mér - nei nei sé nú til með það.
Svo er bara aldrei að vita nema ég hendi mér niður í bæ og rölti eitthvað um stræti borgarinnar, yfir og út.

p.s. Ég launa Tobbaliusi með að setja mig aftur inn á contact listann sinn með því að setja hann inn hjá mér, enda tími kominn til - ekki satt.

2004-01-03T05:25:00.000-05:00

Gleðilegt nýtt ár kæru vinir og vandamenn

Lítið hefur nú verið bloggað enda annríki mikið yfir hátíðirnar. Ég get ekki sagt annað en ég hafi haft það mjög gott þrátt fyrir að hafa verið að vinna meirihlutan af jólunum en get ekki kvartað yfir vöktunum. Þetta minnir mig svolítið á þegar pabbi var að vinna sem mjólkurbílstjóri en þá var svarið yfirleitt "beljurnar hætta ekki að mjólka þó við hin höfum frí" þegar við vorum að kvarta yfir að hann væri að vinna á frídögunum. Niðurstaðan er semsagt sú, beljur og sjúklingar komast í sama flokkinn hvað varðar ástundum vinnu yfir hátíðirnar.

Veit reyndar ekki hvort allir séu sammála þessari samlíkingu......

Heljarinnar party er fyrirhugað í kvöld heima hjá systur minni og mági, það ætti að vera mjög gaman því við erum búin að hóa saman meirihluta vinahópsins. Alltaf gaman að hitta fólk og gleðjast....

Þangað til næst - ble ble

2003-12-16T14:09:00.000-05:00

Ég hlakka bara til að fá kallinn heim. Þarf því að vakna eldsnemma í fyrramálið eða klukkan fimm. Spurning hvort maður geti kallað þetta morgunn, það er eiginlega bara mið nótt, allavega á minn mælikvarða.

Er annars að pína mig í að skrifa jólakort, þetta mjakast svona áfram. Allavega segi ég bara við þá sem eru svo heppnir að fá kort frá mér - ekki búast við skemmtilegu korti......

Jæja verð að halda áfram að vinna.

2003-12-10T12:57:00.000-05:00

ohhh sé það eru einhver íslensk stafarugl, vona að það leiðrétti sig eins og síðast :)

2003-12-10T12:56:00.000-05:00

Já það mætti halda að klakinn væri að gera útaf við mann, eins og Dísa var að pæla í. En svo er nú ekki, er bara að vinna svolítið mikið og hef takmarkaðan aðgang að tölvu. Er nú reyndar að stelast núna í vinnunni, er það ekki það sem maður á að gera???

Fréttir er nú af skornum skammti, hitti reyndar Guggu á föstudagskvöldið og enduðum við bara í Pakkaranum. Asskoti gaman verð ég að segja þó þetta hafi verið nokkuð spaugilegt allt saman. Fyndið hvað maður er orðinn í eldri kantinum þegar maður fer út að skemmta sér á Selfossi, já maður er bara að verða gamall. Reyndar verð ég nú að segja að ég virðist ætla að halda í æskuljómann því svo skemmtilega vildi til að þegar systir mín var að kynna mig fyrir vinnufélugunum þá spurðu þeir hvor væri eldri. Mín náttla svolítið mikið montin þar sem systir mín er fimm árum yngri :-)

Ég hlakka óneitanlega mikið til að fá eiginmanninn til landsins, mikið er nú leiðinlegt að vera alltaf svona í sitthvoru lagi. Það mætti halda að maður væri sjómannsfrú eða eitthvað álíka, alltaf í úthöldum, gott allavega að það eru ekki viðhöld ;)

2003-12-04T11:14:00.000-05:00

Jæja þá er maður bara mættur á klakann. Og þvílíkur klaki sem það er, algjört kúkaveður. Það eru alltaf allir að monta sig ef það er einvher lofthiti hér meðan það er frost úti en ég er alveg búin að sjá að það er ekkert að marka það, þvílík vindkæling alltaf hreint.

Já annars hafði ég það að komast um borð í vélina, það var reyndar tvísýnt um tíma en ég veit ekki hvort ég ætti að tala mikið um það :)

Allavega hófum ég og minn heittelskaði ferðina síðastliðinn föstudag til Baltimore, þar sem ég hugðist fljúga þaðan. Við tókum kínarútuna og vorum búin að sjá út að við þyrftum ekki að fara alla leið til Washington, heldur gætum stokkið út í Baltimore. Það heppnaðist ekki betur en það að ég gleymdi bakpokanum mínum með farseðlunum, passanum og nokkrum jólagjöfum í rútunni. Það þarf varla að nefna hugaræsinginn sem greip um sig þegar þetta uppgötvaðist en til að gera langa sögu stutta bjargaði Sonja vinkona okkur gjörsamlega því hún var stödd í Baltimore og gat hringt í rútufyrirtækið og keyrt okkur alla leiðina til Washington til að ná í bakpokann. Nú svo til að kóróna allt saman bilaði bíllinn á leiðinni heim en við vorum sem betur fer næstum komin á leiðarenda, reddaðist allt saman allavega. Sonju verður seint fullþakkað fyrir þessa reddingu.

Nú svo er ég byrjuð að vinna á fullu eins og sönnum íslendingi sæmir, jólin og allt saman. Ég gæti svo sem ekki verið heppnari með vaktirnar en ég er m.a. á morgunvakt á aðfangadag og kvöldvakt á jóladag.

Jæja ætla að drífa mig heim til systur minnar en ætla að kíkja á hana fyrst á nýja vinnustaðnum. Ætla bara að árétta að allir eiga að fara í jólaklippunguna á Rauðhettu og Úlfinum.

2003-11-27T22:59:00.000-05:00

jihh gleymdi alveg að segja frá hvað ég er mikill snillingur. Dreif mig sko í lyfjafræðiprófið í gær og náði því líka svona með glans. Var reyndar slatti stressuð yfir að hafa ekki náð því því það var miklu erfiðara en ég bjóst við en svo var nú ekki. Enginn smá léttir að vera búin að þessu, það hefði nefnilega verið svo auðvellt að fresta þessu en svona er maður harður af sér...

Er annars að springa, vorum að koma heiman frá Diane frænku þar sem við úðuðum í okkur kalkún með ýmislegu meðlæti og kökum í eftirrétt. Mmmmm ekkert smá gott.

2003-11-27T13:46:00.000-05:00

Það var algjör snilld maturinn hjá Dísu í gærkvöldi (slef slef). Við fengum íslenskt lambalæri sem var kryddað á svolítið öðruvísi hátt en maður er vanur, fullt af ferskum kryddjurtum og einhverju góðgæti. Ekkert smá gott, meðlætið klikkaði náttla ekki heldur. Svo var ég bara leyst út með pökk og allt. Málið er sko að við vinkonurnar erum svolítið fyrir svokallaðar cup cake sem eru með þykku lagi af frosting ofan á, sem fást í einu af tveimur mjög svo frægum bakaríum á Manhattan. Þær sem sagt gáfu mér uppskriftabókina sem konan hefur gefið út sem á bakaríið, ekkert smá girnileg. Þetta þýðir náttla bara eitt, einhverjir heppnir heima eiga eftir að smakka þessar frægu cup cake.................

Eftir nokkur rauðvínsglös og Kahlua kaffi rölltum við niður á Grand Central og tókum lestina okkar heim, södd og sæl. Takk enn og aftur fyrir okkur Dísa mín.

Svo er ég bara að pakka, svolítið skrítið verð ég að segja. Mér finnst eins og ég sé hálf að svindla með því að fara heim, ekki búin að vera hérna nema tvo mánuði. En það verður bara gaman að hitta alla, svo ég tali nú ekki um uppáhalds persónuna mína hann Árna Gunnar. Ég hlakka ekkert smá til að sjá þetta krútt sem hefur náttúrulega breyst svolítið síðan síðast.

Annars eigum við að mæta klukkan hálf fimm til að byrja að raða í okkur Þakkargjörðarmáltíðinni. Það er víst hefðin að borða í fyrra fallinu og horfa svo á fótbolta og drekka bjór. Veit ekki hvort ég taki þátt í því en sjáum til.

Við þurfum annars að fara snemma af stað í fyrramálið en rútan til Baltimore fer klukkan 11, sem þýðir að við þurfum að leggja af stað héðan upp úr 9. Bara svona til að vera pottþétt á þessu enda tekur það smá tíma að drösla tveimur þungum ferðatöskum um subveiið.

Já þá er þetta síðasta bloggið á árinu frá New York, vonast nú samt til að þau verði miklu fleiri á næsta ári. Sé ykkur bara síðar eða bara á mánudaginn..........

2003-11-25T12:30:00.000-05:00

Þá er það komið á hreint, við erum að koma heim.....

Ég keypti miðan í gærkvöldi og kem 1. des en Kiddi gat bókað í morgun og kemur 17. des og fer aftur 15. jan. Við tökum við fjárframlögum á reikning ...........

Þetta er allt eitthvað svo mikið púsluspil því Flugleiðum sýnist svo að fljúga ekki til NY um vetrarmánuðina. Við tökum sem sagt kínarútuna til Washington Dc á föstudaginn, en förum út í Baltimore og verðum hjá frænku minni fram á sunnudag. Ég fer út á flugvöll um kvöldið en Kiddi tekur Greyhound rútuna til baka frá Baltimore. Það var ódýrara en að taka lestina til DC og þaðan kínarútu, hvað þá miklu minna mál.

Kiddi var svo heppin að fá díl með flugi héðan til Boston þannig að hann þarf sem betur fer ekki að rútast eitthvað þangað.

Svo er það engin smá hamingja en ég fékk vinnu á Gjörgæslunni og þarf vonandi ekki að vinna lengur en út jan. en það verður víst allt að koma í ljós eins og annað. Hef því miður ekkert enn heyrt í bjévítans lögfræðingnum.

Er núna að læra undir lyfjafræðiprófið sem ég ætla að taka á morgun, er ekki beint að nenna því en verð víst að reyna að halda einbeitingu. Svolítið erfitt þegar maður er rétt að fara heim og mikið að arrensera fyrir það.

Annars verður nóg að gera hjá okkur að borða í vikunni. Erum boðin í læri til Dísu annaðkvöld og svo er það bara Þakkargjörðarhátíðin á fimmtudag. Ég held mér sé bara bumbult af tilhugsuninni.........

2003-11-24T14:31:00.000-05:00

Það má bara segja að við höfum verið í rólegu deildinni um helgina, þótt við höfum samt gert slatti mikið.

Við fórum að meiriháttar sýningu á föstudagskvöldið í Natural History Museum sem var svona tónlistar og þrívíddar sýning, Sonic Vision. Við sátum í geim sýningarsalnum þar sem maður hallar sér aftur og horfir á myndina og líður eins og maður sé inn í henni. Það spillti ekki fyrir að góð tónlist var spiluð á meðan, t.d. Radiohead, U2, Spiritualized, Queens of the Stone Age, Moby og fleiri. Kíktum reyndar á smá púbb með Einari á eftir en vorum bara stutt í þetta skiptið.

Því laugardagurinn var frátekin fyrir myndavélakaup. Dísa og Sibba komu með okkur í J$R þar sem fjárfest var í gripnum, Canon Powershot A70. Segir örugglega mörgum margrt en þetta er vél þar sem hægt er að ráða mikið af stillingum. Tískufríkið ég vildi náttla kaupa aðeins flottari vél (sko hönnunarlega séð) sem var meira automatísk en eiginmaðurinn fékk að ráða í þetta skiptið, enda svo sem hans gjöf ;)
Svo var aðeins röllt um Soho og borðað á indverskum stað um kvöldið. Maturinn var náttúrulega himneskur og borðað mikið eftir því þannig að maður var ekki í miklu stuði til neins þar á eftir. Kíktum heim til Dísu í svolitla stund og héldum svo heim á leið hlaðin pinklum í lestinni.

Í gær kláruðum við svo jólagjafainnkaupin, þvílíkt öflug, enda gott að vera búin að þessu.

Það var líka eins gott að það sé frá því ég er bara að mæta á svæðið eftir viku. Jebbs ég er að koma heim til að vinna og vera með fjölskyldunni yfir jólin. Sennilega verðum við líka í janúar því Kiddi er í fríi til ca 20. jan og ég nýti tíman til að vinna eins og brjálæðingur meðan ég bíð eftir að eitthvað gerist í mínum málum. Svo er bara að sjá hvort eitthvað gerist.........

2003-11-20T19:31:00.000-05:00

Það er einhver blogglægð í gangi enda einhver svona hálf lægð yfir manni. Það gengur voða illa að toga upplýsingar upp úr lögfræðingnum svo ég veit ekkert hvernig umsóknin mín hefur það.

Ég er bara að spá í að tækla þetta þannig að koma bara til Íslands og bíða þar yfir aðventuna og jólin. Vonandi bara að þessir starfsmenn komi hressir aftur til vinnu eftir áramót og afgreiði mig svo ég geti farið út með Kidda í lok janúar.

Stefnan er að vinna eins og brjálæðingur, vonandi bara að það verði hægt að ráða mig á gamla góða vinnustaðnum.....

Já svo eru allir að tapa sér yfir Mikjáli nokkrum Jackson, meiri vitleysingurinn ef þetta er allt saman satt, það er samt kannski understatement!!

Það styttist í Friends svo ég bið að heilsa í bili..........

2003-11-17T13:22:00.000-05:00

Úff annar slappur mánudagur, þið getið þá ímyndað ykkur hvernig sunnudagurinn var. Spurning hvort maður þurfi ekki að fara að taka sig á?? Mjá já

Maður hafði þó ærið tilefni til að sletta úr klaufunum á laugardaginn, bóndinn hvorki meira né minna en ÞRJÁTÍU ára. Þökkum árnaðaróskir að því tilefni.

Ég var annars meirihlutan af deginum þar sem allar konur eiga að vera, á bakvið eldavélina....

Byrjaði á því að færa eiginmanninum pökk með helíum blöðru bundna utan um, sem innihélt Creative Labs Muvo MP3 spilara. Þvílíkt flottur, getur downlódað gögnum inn á hann, dikterað á hann og flutt 4 geisladiska af tónlist - þvílík hamingja.
Já svo fékk hann Cheerios og nýmalaðann kaffibolla í rúmið.

Svo sletti mín í köku á meðan ég tróð hvítlauksgeirum (mjög mörgum) í lærið og kryddaði það.
Mmmmmmm þetta var þvílíkt gott, það jafnast ekkert á við íslenskt læri og gott ástralskt rauðvín. Þökkum Stefaníu og Eggerti enn og aftur fyrir að koma með lærið :)

Nú svo var ég búin að plana party á laun, heima hjá Dísu, þannig að upp úr átta lögðum við af stað. Misreiknaði mig aðeins því ég sagði fólkinu að mæta klukkan níu og við vorum mætt 15 mín. yfir. Maður á náttúrulega ekki að gera ráð fyrir að íslendingar komi á réttum tíma þannig að við mættum þegar tveir gestir voru komnir. Smá mínus en reddaðist að sjálfsögðu. Eiginmaðurinn voða lukkulegur með þetta.

Það þarf svo sem ekki að hafa mörg orð um hvernig restinu af kvöldinu var eytt. Dísa hafði keypt fyrir mig í gegnum mjög góð sambönd kassa af rauðvíni og ginflösku, ásamt því að ég keypti tvo kassa af bjór. Jebbs ekki nema von að maður sé slappur.

Svo er bara stefnan að eyða öllum þeim peningum sem hann fékk í í afmælisgjöf í rafmagnstæki, getum loksins græjað okkur upp. Enda orðin nokkuð lummó með gettóspilarann minn frá 1993 og einnota myndavél :)

Annars er það að frétta af frunsunum mínum að þær eru orðin tvö stór sár á eftir vörinni á mér. Ætla að leiðrétta þann misskilning úr fyrra bloggi að ég sé með margar efri varir, ein dugar mér alveg, þó lítil sé....

Jæja ætli maður fari ekki bara að smella sér í J&R þar sem fæst fullt af rafmagnstækjum, gaman gaman.

2003-11-14T13:53:00.000-05:00

Það er nú voða lítið að frétta af okkur hjónakornunum. Ekkert merkilegt gerst í þessari viku.

Nema ef merkilegt skildi kalla að við fórum á barkvöld í gærkveldi, alveg ágætt bara.

Það eru svo náttúrulega ýmis plön í gangi fyrir stóra daginn á morgun en ekkert sem ég get látið uppi núna eins og er. Verður bara að koma í ljós síðar..........

Svo maður tali nú aðeins um veðrið þá hefur íslenskt rok verið að heiðra okkur hér, allt í skralli því tré og rafmagnslínur hafa verið að brotna og valdið rafmagnsleysi hjá þúsundum manna. Við höfum sem betur fer sloppið en þetta er víst verst úti á Long Island, ekkert svo langt frá okkur.

Ætli það verði ekki bara bökuð pizza í kvöld og huggað sig með rauðvíni og ostum, hvað annað getur maður gert í svona óveðrum???

Ég óska ykkur hinum þarna úti góðrar helgar, alóha

2003-11-12T12:23:00.000-05:00

Ég lýt út eins og fílamaðurinn, er með hvorki meira né minna en 3-4 frunsur. Það fer sko eftir hvernig maður lýtur á eina, gæti verið klofin eða tvíburar.... Ég veit ykkur finnst mjög gaman að lesa um frunsurnar mínar en Lara Flynn Boyle myndi öfunda mig af efri vörunum núna.

Ég óska Karenu og Binna ynnilega til hamingju með frumburðinn, þeim fæddist "lítill" strákur á þeim merkisdegi 11.11. Fyrir suma hefur þessi dagur alltaf ákveðna merkingu, þeir vita sem um er rætt.

Verð annars að segja að Bell & Sebastian tónleikarnir voru með þeim skemmtilegustu sem ég hef farið þá, lenda pottþétt á topp 10 listanum. Þvílíkir tónlistarmenn sem þetta eru, það voru þegar mest var 12 tónlistarmenn á sviðunu og það var liggur við alveg sama hvaða hlóðfæri það var, þau gátu svissað á milli. Algjör snilld og það ríkti eitthvað svo mikil gleði þarna. Við Kiddi vorum eins og kóngar, sátum fyrir miðju neðst á svölunum í mjög svo fallegu og gömlu leikhúsi, alveg til að bæta stemminguna.

Nú lýður senn að eiginmaðurinn komist á fertugsaldurinn, maður er ekki lengur með neinu unglambi. Enda svo sem umdeilanlegt hvort ég sé það mikið lengur......

Jæja ætla að drífa mig niður í bæ að hitta Sonju og Dísu þar á eftir, nóg að gera!!!!!

2003-11-10T16:05:00.000-05:00

Úff það er sko alveg mánudagsfílingur í gangi.......

Helgin já, allavega miðað við hvernig mánudagur þetta er þá getið þið kannski ímyndað ykkur hvernig laugardagurinn var.

Dagurinn fór allavega rólega af stað, ótrúlegt hvað það er notalegt að tjilla með New York Times svona um helgar (erum sko orðnir helgaráskrifendur).
Markaðurinn var svo alveg mjög fínn, versluðum nokkrar jólagjafir og eina afmælisgjöf. Ég veit samt varla hvort ég eigi að segja þetta en við erum næstum búin að kaupa allar jólagjafirnar, ótrúleg útsjónarsemi ;)

Já fórum svo í heimsókn til Einars til að skoða nýja sófann hans, mjög fínn. Þar var kíkt í nokkra bjóra og hann plataði okkur svo með sér í innflutningsparty til vinkonu hans. Það reyndar þurfti nú ekki mikið til að plata okkur frekar en fyrri daginn!!
Enduðum svo á púbb og lestin heim einhverntíman síðla nætur.....

Það eru ekki mörg orð sem þarf að segja um sunnudaginn nema Sex and the City, maður er gjörsamlega orðinn forfallinn fíkill fyrir þessum þáttum. Verst að það verða mikil fráhvarfseinkenni þegar þessi sería er búin því það á eftir að gefa út 2 seríur í viðbót. Snökkt snökkt.

Það er allavega einn plús við þennan mánudag, Bell & Sebastian. Erum að fara á tónleika með þeim í kvöld, jibbí kóla...

2003-11-08T12:34:00.000-05:00

Sáum Kill Bill í gær og það er eiginlega bara hægt að segja eitt - SNILLD. Ég elska þennan mann hreinlega, ehh sko kvikmyndalega.

Annars gat maður pirrað sig yfir heimskum ameríkönum sem gátu ekki haldið kjafti alla myndina, sama hvað maður sagði þeim að þegja.

Fórum annars á 42nd street í bioið (sem er eiginlega á Times Square), þvílíkt mis sem það var. Það er svo mikið af fólki þarna að maður þverfótar ekki. Ástæðan fyrir að við fórum annars á þennan túristastað, sem við förum eiginlega aldrei á, er að það er svo þægilegt lestarlega séð. Stökkum þá bara upp í 7-una á fyrstu stöð og brunum beint heim, fyrir utan "nokkur" stopp.

Stefnan í dag er tekin á markað sem er alltaf á einhverjum 10 blokkum hér í borg, þá meina ég sem nær yfir 10 götur á einhverju avenue-i.

Það er annars því miður búið að kólna svolítið hér í borg og svei mér þá ef ég þarf bara ekki að taka fram nýju úlpuna mína.....

2003-11-07T16:59:00.000-05:00

Ja sko, ég bara stóðst endurlífgunarprófið með glans, enda svo sem skítlétt þannig að núna er ég komin með skriteini frá amerísku hjartasamtökunum upp á að ég sé heilbrigðisstarfsmaður sem kann endurlífgun ;)

Er samt núna að pirra mig á hversu ótrúlega léleg þjónustulundin er hérna. Ég fór í þriðja skiptið í efnabúðina sem er hérna rétt hjá til að athuga með garn en það er aldrei til. Svarið sem ég fæ frá deildarstjóranum er að þetta gæti komið á morgun eða hinn. Ég sagði þá að þetta væri í þriðja skiptið sem ég kæmi í sömu ernindagjörðum og aldrei neitt til. Þá er bara hreitt í mann að fólk kaupi svo mikið af þessu í einu að það sé svo fljótt búið. HALLÓ afhverju kaupirðu þá ekki meira inn í búðina og gefur kúnnanum betra svar. Já maður getur endalaust pirrað sig á hversu afgreiðsulfólk er dónalegt hérna en ætli það breytist nokkuð....

Stefnan er tekin á Kill Bill í kvöld, kominn tími til gætu sumir sagt - ég er allavega sammála því.

Nú fer að styttast í að ástkær systir mín byrji að vinna aftur en hún er að fara að vinna á þeirri frábærri hárgreiðslustofu Rauðhetta og Úlfurinn. Þannig að núna vita allir hvert þeir eiga að fara í jólaklippinguna :)

Annars styttist óðum í jólin, ótrúlegt hversu tíminn er fljótur að líða. Hér er náttúrulega allt orðið fullt af jólaskrauti, ekki að spyrja að því.

Ég bara óska ykkur góðrar helgar og farið vel með ykkur.

2003-11-05T17:27:00.000-05:00

Sælan er ekki eilíf og núna er haustveðrið greinilega allsráðandi, rigning og um 15 stiga hiti. 'Uff það mætti halda að ég hefði ekkert skemmtilegra um að tala en veður en svona er maður mikill íslendingur.

Var annars á endurlífgunarnámskeiði í gær (BLS) og var það bara mjög fínt, heyrði útundan mér að leiðbeinandinn sagði við annan að ég hefði staðið mig rosa vel. Hí hí gaman að því. Svo er bara próf í næsta tíma og skirteinið komið, veit ekki en mér finnst eins og ég geri ekkert annað hér en að taka próf. Hefur einvher tekið eftir því??

Er annars alltaf að bíða eftir að lögfræðingurinn svari mér þannig að á meðan veit ég ekkert meir, orðið svolítið þreytandi verð ég að segja.

Verð að fara að sjá Kill Bill, alveg skammarlegt að vera ekki búin að fara en það stendur reyndar til að fara á föstudaginn. Ég verð örugglega rekin úr aðdáendaklúbbnum, spurning samt hvort hinn meðlimurinn úr aðdáendaklúbbnum sé búinn að sjá hana??

Ég fékk annars sent þvílíkt sætt myndband af Árna Gunnari í gær, næstmestuuppáhaldspersónunniminni en hann var að sýna hvað hann væri stór. Ég bæði hló og grét yfir þessu, þvílíka dúllan. Svo sagði mamma hans mér áðan að hann hefði ekki gert þetta síðan, sko þetta var bara gert fyrir uppáhalds frænku sína.

Jæja ég bið ykkur bara vel að lifa

2003-11-03T13:28:00.000-05:00

Ja hérna, núna er um 25 stiga hiti og þvílík notalegheit. Þetta er víst met en í fyrra var um 10 stiga hiti á sama tíma. Sumir halda að það sé verið að bæta okkur upp fyrir kaldan vetur í fyrra en maður veit aldrei.

Helgin var mjög fín, við hjónin röltum um Williamsburg á laugardaginn en þetta er voða hipp og kúl hverfi með mikið af ungu fólki. Hverfið er mjög heillandi, svolítið niðurnýtt en á skemmtilegan hátt. Það er fullt af second hand búðum þarna, flóamörkuðum og svo var bara mjög algengt að fólk var með dótið sitt sem það vildi selja úti á gangstéttt.

Síðan var borðaður kvöldmatur hjá Dísu og Einar og Fura komu yfir. Nokkrar bjórflöskur voru opnaðar meðan við hlustuðum á góða tónlist en svo var stefnan tekin á bar í Meatpacking District (kjötpökkunarhverfið). Við reyndar komumst ekki inn á þennan tiltekna stað en í staðin fundum við alveg geðveikan bar. Barinn sá var sennilega uppranlegi Coyote Ugly staðurinn, feitir mótorhjólagaurar voru dyraverðir og þegar inn var komið voru barstelpurnar að dansa á leðurbrjóstahöldunum uppi á bar, við mikinn fögnuð gesta. Annars var barinn gjörsamlega pakkaður af fólki og brjóstahöldum uppi um alla veggi. Mér var nú hugsað til Láru frænku en ég fór með hana á sínum tíma á þessa mynd, henni til mikillar ánægju og mér að horfa á hana fylgjast með. Ég reyndar efast um að henni hefði verið hleypt inn en það er spurning hvort ég hleypi eiginmanninum þangað aftur :)

Það var frekar mikill letidagur í gær, vægt til orða tekið en núna ætla ég að drífa mig niður í bæ til að njóta góða veðursins.....

2003-10-31T18:54:00.000-05:00

Úff ég er svo mikil húsmóðir að það hálfa væri nóg. Sko dagurinn byrjaði voða venjulega, nokkur snús og svo Cheerios og kaffi. Þar á eftir kláraði ég að sauma mér gallapils, úr afgöngum frá Láru frænku og eldaði súpu. Mér fannst nefnilega við hæfi að gera pumpkin súpu (graskerasúpu) svona í tilefni dagsins.

Ég veit að margir vilja ekki heyra þetta en eftir hádegi fórum við hjónin út að skokka og gerðum nokkrar líkamsæfingar þar á eftir, bara svona til að hafa betri móral fyrir helgina.
Pumpkin súpan sem var borðuð þar á eftir var svona góð-vond, ég allavega mæli ekkert sérstaklega með þessu. Þá er ég búin að mynda mér upplýsta skoðun á því að grasker og aðrir fjölskyldumeðlimir, s.s. spaghetti squash eru ekkert sérstök. Þar hafið þið það.

Nú svo til að bæta húsmóðurímyndina enn frekar fór ég með þvottinn í laundromattið, bjó mér til tvo eyrnalokka og er núna að baka heimagerða pizzu a la eldsmiðjan. Bara svona til að leiðrétta misskilning þá er Kiddi ekki úti í garði að baka yfir opnum eldi heldur er pizzan í ofninum.

Svo stendur til að rölta sér í bioið hér skammt frá og sjá Mystic River og tjilla kvöldið af sér.
Laugardagurinn fer svo í að rölta um Williamsburg, eins og ég hef örugglega sagt áður, og party hjá Dísu um kvöldið - gaman gaman ;)

2003-10-30T15:11:00.000-05:00

Úff við vorum að skokka áðan, held það verði svolítill tími þar til við tökum þátt í New York maraþoninu - sem á by the way að vera á sunnudaginn.

Annars hefur allt verið meinhægt þessa vikuna. Vorum að hjálpa Einari að flytja í gær en hann var að flytja úr Harlem yfir í Chelsea hverfið. Alltaf gaman að svona flutningum, við bara vonumst til að vera í þessum sporum eftir jól en það verður bara að koma í ljós eins og allt annað. Það góða við þessa flutninga var að eftir þá bauð Einar okkur út að borða í Garment District (sem er efnahverfið) og þar gerði ég stóra uppgötvun á fullt af efnabúðum. Ég gjörsamlega tapaði mér, þvílíkt mikið að búðum með flottum efnum og fylgihlutum. Ég hefði ekkert smá viljað hafa systir mína hjá mér þarna en hún kemur vonandi svo ég geti sýnt henni herlegheitin.

Dagurinn í dag hefur sem sagt farið í saumaskap og skokk, ekki slæmt það. Ég keypti annars þrjá stóra efnisbúta á 5$, sem er alveg fáránlegt. Ætla mér að sauma tvö pils úr þeim og einn topp en ég er næstum búin að sauma mér peysu í dag úr efni sem ég fékk á Orchard street - svona silfur eitthvað.

Svo er bara Hrekkjavakan á morgun. Nágrannarnir eru náttúrulega fyrir löngu búnir að tapa sér í skrautinu (eða ósmekklegheitum) en ég hef aftur á móti farið mun varlegar í það. Það er mjög skemmtilegur garður í næstu götu en hann er fullur af beinagrindum, legsteinum og alls konar fígúrum. Það fyndna við þessar beinagrindur er að þar er ein Elvis beinagrind og restin er í hljómsveit með honum- The Death Tour. Já svona getur fólk verið skrítið.

Ég hef annars ekkert nammi keypt því það kom bara einn hópur af krökkum í fyrra og ég sat uppi með fullt af nammi. Ég tækla þetta bara í staðin með því að svara ekki dyrabjöllunni ;)

Veðrið er bara hið fínasta, um 15 gráðu hiti en það á að fara upp í 20 gráður á laugardagin. Við erum að plana að fara til Brooklyn, nánar til tekið til Williamsburg, en það á að vera mjög skemmtilegt hverfi með fullt af ungum listamönnum og second hand búðum og svona.

Ég bið bara að heilsa í bili og vonast til að líftóran verði ekki hrædd úr mér á morgun....

2003-10-27T18:30:00.000-05:00

Jæja nú eru gestirnir farnir ogallt hálf tómlegt eitthvað, kannski ekki skrítið en það verður alltaf eitthvað tómarúm í hjarta manns þegar einhverjir fara heim og ekki ég........

Það er búið að vera rosalega fín helgi hjá okkur sem byrjaði á tónleikum með Mars Volta á föstudaginn. Við reyndar byrjuðum í fordrykk hjá Dísu og fórum svo út að borða á mexikóskum veitingastað niðri hjá henni. Það var líka svona glimrandi gott og borðaði ég náttúrulega yfir mig eins og alltaf. Tónleikarnir voru því miður ekkert skemmtilegir, allt of mikið einka flipp á gæjunum en það hlaut kannski að koma að því að maður fer á misheppnaða tónleika.
Eftir þessar misfarir fórum við á flottasta bar sem ég hef farið á sem heitir Beauty Bar. Þetta er sem sagt gömul hárgreiðslustofa frá 1960 sem er búið að innrétta sem bar, nema hárþurkurnar og allt er þarna enn, þvílíkt snilld. Svo var kíkt á Hi Fi sem var bara fínt en ekki eins góð tónlist og síðast.

Á laugardeginum löbbuðum við um West Village og Soho, mjög gaman. Það er allvega nóg að skemmtilegum hlutum um að vera þarna, get ég sagt. Við fórum svo út að borða um kvöldið með Dísu á Outback sem er steikhús með áströlsku þema. Ég get svo svarið það að ég hef ekki borðað svona illa yfir mig síðan á síðustu Þakkargjörðarhátíð, guð minn góður segi ég nú bara. Þetta var svo gott að maður gat náttúrulega ekki hamið sig en svo var pantaður eftirréttur svona til að kóróna þetta. Ég fékk mér New York ostaköku sem er það besta sem hægt er að fá, nema þessi var þakin fljótandi karamellusósu - slef slef. Mér leið svo illa að ég átti erfitt með svefn, það verður langt þangað til það verður tekið svona á því aftur (nema ég verði búin að gleyma því stax!!).

Við byrjuðum sunnudaginn á því að fara á antik flóamarkað á 6th avenue sem hefur verið heimsóttur nokkrum sinnum áður. Við vorum svo ljónheppin að finna tröppur, eins og mig hefur langað í í nokkur ár, á aðeins 10$. Þvílík hamingja sem það var, svo mikil að við lögðum það á okkur að labba með stigan á öxlinni það sem eftir var dags og það líka í Central Park. Ég verð nú að segja það að það er miklu skemmtilegra að labba með tröppur um Central Park, þannig að ég mæli með því fyrir næstu gesti ;)
Nú svo ég komi á óvart þá enduðum við kvöldið á að fara út að borða en Stefanía og Eggert buðu okkur á mjög góðan indverskan stað sem við höfum nokkuð dálæti á. Maturinn klikkaði náttúrulega ekki en ég mundi sem betur fer eftir hamförum laugardagsins þannig að ég tók ekki alveg jafn vel á því, sem betur fer.

Áður en þau fóru í dag sýndum við þeim að lokum indverska hverfið á 74. stræti, þar sem ég versla oft í matinn og kaupi krydd. Við náttúrulega gátum ekki svikið þau um að fara með þau á besta indverska staðinn í New York svo við fórum með þau á buffet á Jackson Diner. Það mætti halda að maður hafi verið indverji í fyrra lífi en ég bara get ekki fengið nóg af indverskum mat. Staðurinn klikkaði náttúrulega ekki frekar en fyrri daginn þannig að Stefanía og Eggert fóru södd og sæl út á flugvöll áðan.

Nú og það sem tekur við, ég byrjaði áðan að slípa tröppurnar með sandpappírnum sem ég keypti í Raindew. Hvað er ekki til í Raindew spyr ég nú bara en þetta er apotek og barasta allt mugligt búð sem er í næstu götu í verslunarcenterinu hjá okkur.
Ég hef svo hafist handa við að reyna að ná í lögfræðinginn en ég ætti að ná í hann á morgun. Ekki það að ég búist við að heyra eitthvað nýtt en það má reyna.

2003-10-23T23:10:00.000-04:00

Við sendum gestina eina niður í bæ í dag, okkur leið hálf eins og fuglarnir væru að fljúga úr hreiðrinu :) Þau áttu stefnumót í kvöld við vini sína frá Ástralíuferðinni og kíktu einnig á Museum of Natural History, sem við Kiddi vorum búin að fara á áður.

Það má eiginlega segja að þetta hafi verið afslöppunardagur, fyrir utan að við fórum með þvottinn og þrifum heimilið. Ótrúlega dugleg...........

Það var nánast við frostmark í dag en næstu daga á að hlýna aftur, eins gott því ég er ekki alveg tilbúin í svona kulda aftur - en hver er svo sem að spyrja mann að því.

Annað kvöld er stór dagur en þá erum við að fara á Mars Volta tónleika, vonumst bara til að gestirnir þoli smá rokk ;) Annars er nóg að gera í tónleikahaldi því Bell and Sebastian eru framundan og svo Placebo í des, alls ekki slæmt það.

Það verður lítið um skoðunarferðir niðri í bæ á morgun en við ætlum að eyða fyrriparti dagsins í að sýna þeim hverfið okkar, fara í Target og svona en það gerast varla stærri búðirnar en það. Þetta er svona hálfgerð Hagkaupsbúð nema með aðeins meira úrvali, óhætt að segja að við höfum verslað svolítið þar.

Segjum þetta í bili, tjá

2003-10-21T23:12:00.000-04:00

Það er óhætt að segja að maður sé búinn að labba síðustu daga - enda eina leiðin til að kynnast borginni almennilega, segja sumir. Í gær var Ground Zero skoðuð (holan þar sem World Trade Center stóð), ráðhúsið, Chinatown og Little Italy, ágætt það. Við fengum rauðleitasta mat sem ég hef séð í Chinatown og sennilega yfirfullan af MSG en ágætan samt. New York ostakakan og espresso-inn var þó aðeins betri í Little Italy.

Í dag höfum við labbað um Greenwich Village, Union Square og Broadway þar sem hann er við Soho. Auðvitað var ekki hægt að sleppa því að kíkja í nokkrar búðir og voru það nokkrir pokarnir sem fylgdu okkur heim. Eggert hefði nú alveg viljað eyða deginum í Barnes og Nobel, sem er uppáhalds bókabúðin mín, en hann var drifin áfram að tveimur kvenmönnum þannig að hann hafði voð lítið um þetta að segja.
Ég held að pizzan hjá ítölunum hafi aldrei verið jafn góð og áðan enda var maður nokkuð svangur eftir þennan dag.

Veðrið í dag var alveg rosalega fínt en því miður á að kólna eitthvað næstu tvo daga.
Planið á morgunn er að kíkja á Grand Central, New York Public Library og 34 stræti, þar sem mig grunar að kíkt verði í nokkrar búðir ;)

Annars er ég voða andlaus bloggari þessa stundina og ætla að láta þetta nægja í bili. Ég bið ykkur vel að lifa og hafið það gott.

2003-10-19T23:45:00.000-04:00

Svo mikið hefur verið að gera hjá okkur að það hefur bara ekki gefist tími til að blogga :) Stefanía og Eggert komu sem sagt á föstudagskvöld, okkur til mikillar gleði og ánægju. Að sjálfsögðu komu þau færandi hendi með ýmislegt góðgæti frá Íslandi, s.s. lambakjöt, osta, Appolo lakkrís og Tópas.
Við höfum verið dugleg að láta þau labba um alla borg og erum sennilega harðir húsbóndar að heimsækja, ekkert gefið eftir. Skipulaginu hefur verið fylgt út í ystu æsar og fórum við í gær á mjög skemmtilegan götumarkað, löbbuðum um Midtown og sáum Rockefeller Center, Saint Patricks Cathedral og Trump Tower - við reyndar ekki í fyrsta skiptið og örugglega ekki það síðasta. Við borðuðum síðan dýryndis máltíð á Spice sem er uppáhalds Tælenski staðurinn okkar og svo voru tveir pitcher-ar teknir á The Grasroot. Ferðafólkið var ekki að undra uppgefið eftir daginn en ánægð að ég held.

Deginum í dag hefur svo verið eytt Downtown þar sem við skoðuðum South Seaport Museum, röltum Wall street, skoðuðum Battery Park þar sem skúlptúrinn frá World Trade Center stendur til minjar þeirra er létust í árásinni 11. september og fórum með Staten Island ferjunni til að sjá frelsisstyttuna. Þetta er best geymda túrista leyndarmálið því það er frítt í ferjuna og þú getur farið fram og til baka á klukkutíma í staðin fyrir að borga 16$ á mann og vera enn lengur en þú nennir að vera þarna.
Það var reyndar smá beygur í manni að fara í ferjuna því svo óheppilega vildi til í vikunni að ferjan klessti á bryggjuna með þeim afleiðingum að 11 manns létu lífið og fleirir fleiri manns slösuðust og jafnvel svo mikið að missa útlimi en það þýðir ekkert að láta það aftra sér því líkurnar á að svona gerist eru svo gríðarlega litlar.

Ég fór reyndar á föstudaginn að hitta atvinnuveitanda minn og komst sem sagt að því að ég þarf ekki að sitja auðum höndum þangað til atvinnuleyfið kemur. Ég þarf að taka lyfjafræðipróf áður en ég get byrjað að vinna og það er því ekki seinna vænna en að byrja að undirbúa sig fyrir það, en þó ekki fyrr en gestirnir eru farnir.

2003-10-16T23:58:00.000-04:00

Tónleikarnir í gærkveldi voru algjör snilld. Það var þó enn meira kikk þegar við sáum þá síðast enda var það í minni sal og meiri nálægð við gæjana. Strákarnir klikkuðu þó ekki og tóku 4 ný lög sem voru öll skemmtileg en þó stóð eitt sérstaklega upp úr. Bassaleikarinn átti gjörsamlega vinninginn í töffaraskap en þeir eru allir by the way alltaf klæddir í Armani jakkaföt eða eitthvað álíka. Áður nefndur gæji var sem sagt með byssubelti þegar hann fór úr jakkanum og gjörsamlega rokkaði feitt þetta kvöld. Veit reyndar ekki alveg hvað þetta er með bassaleikara - hlýt að vera eitthvað svag fyrir þeim...

Dagurinn í dag hefur svo sem verið mjög rólegur. Eiginmaðurinn er enn að reyna að drepa mig með því að draga mig út að skokka en ég næ að naga í hælana á honum.

Svo hefur náttúrulega verið stífur undirbúningur fyrir komu Stefaníu og Eggerts. Fórum út í Farmers Market sem er hér rétt hjá í hverfinu og gerðum innkaup á mjög svo fersku og ódýru grænmeti, ég gjörsamlega missi mig þegar ég fer þangað. Annars fer maður náttúrulega ekki að klikka á skipulaginu, frekar en hinn daginn. Aðrir gestir ættu örugglega að geta dæmt um gott skipulag þannig að þetta fer allt saman vel og ætti að vera mikið fjör að hafa þau hjá okkur.

2003-10-15T14:58:00.000-04:00

Ég skrapp til Indlands í gær eða réttara sagt í Indverska hverfið, sem er á 74 stræti á lestarlínunni okkar. Það er mjög sérstakt að koma þangað, allt umhverfið angandi í karry lykt og búðarskilti og annað á Indversku. Ég fór í súpermarkaðinn þarna til að kaupa inn fyrir kvöldmatinn og nokkur krydd. Ég veit ekki hver helmingurinn af grænmetinu og ávöxtunum er þarna, hvað þá hvað á að gera við allar þessar hveititegundir og baunir. Ég stóðst þó ekki mátið og keypti kókoshnetu á ca 30 kr. og tvo skrítna ávexti á 80 kr. Spurning hvort þetta er ætt en ef þið heyrið ekkert merira frá mér þá vitið þið afhverju.

Annars er bara íslenskt rok í dag og hellis rigning í gærkveldi. Það er því miður aðeins farið að kólna en ekki meira en niður í 10-15 stig.

Við erum að fara á Interpol tónleika í kvöld, geðveikt vægast sagt. Ég ætla að hitta Dísu og Sibbu á eftir og við ætlum að borða saman en Kiddi verður í skólanum á meðan. Svo hittum við fleiri íslendinga á bar til að hita upp fyrir tónleikana, ekki slæmt.

2003-10-14T13:02:00.000-04:00

Það var víst eitthvað rugl með hitt viðbragðakerfið þannig að við þurftum að skipta því út. Þannig að þeir sem svöruðu hinu þurfa vinsamlegast að skrifa aftur í nýja viðbragðakerfið ;)

2003-10-14T12:14:00.000-04:00

Ég fór í gær á Union Square í þeim tilgangi að hanga á Barnes and Noble, sem er uppáhalds bókabúðin mín hér, en þar getur maður setið tímunum saman við lestur bóka og tímarita á kaffihúsinu Starbucks eða setið á gólfinu. Ætla mér sko að spara mér að kaupa bók um hjúkkumál og lesa hana í staðin í búðinni en náði svo aldrei að fara þar inn vegna þess að það var svo gott veður. Keypti mér í staðin pizzusneið og lá í grasinu í sólinni og röllti svo eitthvað um þar til ég hitti Kidda í matarhléinu hans.
Endaði svo hjá Dísu í kvöldmat og hékk þar eitthvað hjá þeim fram eftir kvöldi. Þetta var svo sem ágætis mánudagur miðað við hvernig var tekið á því um helgina...

Fórum nebblega í afmælisparty á föstudagskvöldið hjá ísl. stelpu sem við þekkjum en hún og vinur hennar buðu fullt af fólki á "loftið" hans. Það var nú alveg stuð nema Kiddi óvart kveikti í buxunum sínum, sem var nú ekki stuð, því við vorum ný búin að splæsa þeim á hann. Skrítið að fólk setji sprittkerti á gólfið þegar það býst við 50 manns í party......

Nú á laugardagskvöldið var búið að plana að borða á Go með Dísu og Sibbu en það er rosa góður Sushi staður. Sushi-ið klikkaði náttla ekki og hvað þá Sake-ið þannig að við fórum þar eftir á Hi Fi. Þar á að vera besta Jukeboxið í borginni sem ber nafn með rentu en verst að við biðum í 3 tíma eftir lögunum okkar sem spiluðust aldrei.
Fórum þess í stað á Dawn Hills og tjúttuðum fram eftir nóttu. Það góða við þennan stað er að hann er smá 22, ekki slæmt það.

Það þarf kannski ekki að taka það fram að það var ekki mikið gert á sunnudaginn, nema horfa á Sex and the city á nýja DVD spilaranum okkar ;)

2003-10-13T23:32:00.000-04:00

Velkomin á blogg síðuna mína. Já það kom að því að ég fór að blogga, ég sem vissi varla hvað þetta var fyrir rúmu ári síðan - eða þannig. Þetta er ætlað sem góð upplýsingaveita fyrir fjölskyldu og vini heima, sem hafa áhuga á að fylgjast með því sem er að gerast í lífinu hjá mér og mínum.
Nú og það sem er að gerast er svo sem ekki mjög merkilegt þessa dagana. Ég er enn að bíða eftir að INS (útlendingaeftirlitið) samþykki umsóknina mína en lögfræðingurinn var svo sem jákvæður á að það myndi gerast í þessum mánuði, þannig að maður bíður bara spenntur. Það er mjög fínt að vera komin til baka í New York og borgin er alltaf jafn spennandi og skemmtileg. Veðrið hefur líka verið rosalega fínnt þannig að það hefur ekki skemmt fyrir. Æðislegt að geta enn verið á stuttermabol og buxum á daginn.